«Ելք» ստուգատես

Ժամանակահատվածը՝ 20.04 -23.05

Փորձել առավելագույն չափով ներկայանալ ներքոհիշյալ ուղղություններով (մի քանի ուղղությամբ, ցանկալի է՝ բոլորով):

Նպատակներ և խնդիրներ՝

մեդիահմտությունների ներկայացում, բլոգավարություն
ընթերցելու կարողությունների ցուցադրում,
մաթեմատիկական, տրամաբանական կարողությունների ցուցադրում,
երաժշտական ունակությունների ցուցադրուն,
մարզական կարողությունների ցուցադրում,
տեխնոլոգիական հմտությունների ցուցադրում,
բնագիտական գիտելիքների ներկայացում
օտար լեզուներով շփվելու կարողությունների ցուցադրում։Սովորողները, անհատական կամ խմբային նախագծերով կներկայացնեն երրորդ դասարանում ձեռք բերած իրենց կարողությունները և հմտությունները։

Գործունեություն բաժիններով

Ընթերցողական

Սովորողները կընտրեն ընթերցողական որևէ նյութ, այն կներկայացնեն մեդիաընթերցարանի, աուդիոհեքիաթի կամ տեսանյութի տեսքով:

Մեդիատեխնոլոգիական

Սովորողները կստեղծեն մեդիափաթեթներ, որտեղ ցույց կտան իրենց մեդիահմտությունները:

Մաթեմատիկական

Սովորողները մաթեմատիկայի ապրիլյան-մարտյան ֆլեշմոբների խնդիրներից կընտրեն մեկ խնդիր և լուծման տարբերակը կներկայացնեն տեսանյութի կամ ռադիոնյութի տեսքով:
Չափումներ կիրականացնեն։
Այլ տարբերակ կառաջարկեն։

Ընթացքն ու արդյունքը կներկայացնեն տեսանյութի կամ ռադիոնյութի տեսքով:

Մարզական

Իմ տունը՝ մարզասրահ, բակը՝ մարզադաշտ։
Հեծանվավարություն, վազք, մարզանք։
Ազգային, բակային խաղեր։

Սովորողները ցույց կտան իրենց մարզական հնարավորությունները:

Տեխնոլոգիական

Յուրաքանչյուր սովորող բլոգում կներկայացնի տարվա ընթացքում իր նկարած նկարների (նաև paint) ցուցահանդեսը։
Թափոնին՝ նոր կյանք. կներկայացնեն թափոնից ստեղծված աշխատանքներ:
Սովորողը ցույց կտա իր խոհարարական հմտությունները։
Այլ տարբերակ։

Բնագիտական

Միջավայրի խնամք. ծառատունկ, ծաղկատունկ, ջրում և այլն։
Մարդու օրգանիզմը. հիգենիա, առողջ ապրելակերպի կանոններ։

Արդյունքներ՝

Սովորողների ամփոփիչ հաշվետվություններ։

Սովորողներն իրենց բլոգներում ամփոփում են ուսումնական երրորդ շրջանը «Ելք» ստուգատեսով՝ ներկայացնելով այն տարատեսակ հմտություններն ու կարողությունները, որոնք ձեռք են բերել այս ուսումնական տարում՝ մուտք գործելով հաջորդ՝ չորրորդ ուսումնական տարի նոր գիտելիքներով, նոր հմտություններով, նոր կարողություններով։
Առաքելյան Գեղամ